Tsohon gwamnan jihar Borno, Sanata Kassim Shettima, ya nemi yafiyar mataimakin shugaban kasa Yemi Osinbajo da shugaban majalisar datttawa, Sanata Ahmad Lawan, a kan cece-kucen da furucinsa ya janyo masu.
Shettima ya sanar da cewa, furucin nasa na baya-baya nan, bai yi da nufin bata wa Osinbajo da Lawan suna ba, domin dukkansu, sun cancanci tsaya wa neman shubanacin Nijeriya.
- Osinbajo Ya Gana Da Shugaban APC, Abdullahi Adamu Da Wasu Gwamnonin APC 5
- Gwamnonin APC Suna Goyan Bayan Osinbajo A Zaben Fidda Gwani
Sanatan ya ce ya yi furucin ne a wata hira da aka yi da shi a gidan talabijin Channels, inda ya yi shagube ga Osinbajo da Lawal kan takararsu ta shugabanci kasar nan.
Shetima ya kara da cewa, a saboda haka ina mai neman yafiyar Osinbajo da Sanata Ahmad Lawan da yan uwansu da kuma magoya bayansu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
