Gwamnonin APC Suna Goyan Bayan Osinbajo A Zaben Fidda Gwani

Kwanaki kadan bayan da shugaban kasa Muhammadu Buhari ya nuna bukata ga wanda yake so ya gaje shi a zabukan fidda gwani na shugaban kasa na jam’iyyar APC, an ga gwamnonin jam’iyyar mai mulki sun fara tururuwa zuwa wajen mataimakin shugaban kasa Yemi Osinbajo wanda ake ganin shi ya dace da ra’ayin Shugaba Buhari.

An ga Gwamnonin jam’iyyar APC da dama a fadar shugaban kasa suna ganawa da Osinbajo da shugaban ma’aikatan fadar shugaban kasa, Farfesa Ibrahim Gambari, wanda hakan ake kyautata zaton goyon Bayan su ne na amincewa da Osinbajo a matsayin dan takarar shugaban kasa a jam’iyyar.

• ‘Yan APC A Legas Sun Yi Zanga-zanga Kan Zargin Tinubu Da Kakaba Musu ‘Yan Takara

Rahotanni sun ce gwamnonin da aka gani a Villa tsakanin Laraba zuwa Juma’a sun hada da na Kano da Ogun da Ekiti da Gombe da Nasarawa da kuma Ebonyi.

Rahotannin sun ce da alama mafi yawancin gwamnoni 22 da ke karkashin jam’iyya mai mulki sun amince da goyon bayan takarar Osinbajo, gabanin zaben fidda gwani da za a gudanar a ranar Litinin.

Rahotanni sun bayyana cewa gwamnonin jihar Borno da Kaduna da Kano da Nasarawa da kuma Gombe suna adawa da dan takarar shugaban kasa da ya fito daga Yankin Arewacin Nijeriya a karkashin jam’iyyar APC.

Sulaiman

+ postsBio

• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030
• Sulaiman

  Kotu Ta Tsare Shugaban Makaranta Da Malami Kan Zargin Lalata Da Ɗaliba Mai Shekara 6 A Gombe