Shugaban kasar Sin Xi Jinping, ya yi kira ga shugabannin kungiyar hadin gwiwar raya tattalin arzikin yankin Asiya da Pasifik ko APEC, da su nacewa kirkire-kirkire, da aiwatar da matakai a bude, da ingiza ci gaba maras gurbata yanayi, kana su rungumi tafiya tare da dukkanin sassa, da cimma moriya tare yayin bunkasa yankinsu.
Xi ya yi kiran ne cikin jawabin da ya gabatar yayin kwarya-kwaryan taron shugabannin kungiyar APEC, wanda ya gudana a birnin San Francisco na kasar Amurka a ranar Juma’a bisa agogon wurin.
- An Gudanar Da Tattaunawar Musayar Al’adu Da Abokantaka Tsakanin Sin Da Amurka A San Francisco
- Kasashen Afirka Na Cin Gajiyar Aikin Zamanintar Da Aikin Gona Na Sin
Har ila yau, shugaban na Sin ya ce kasarsa za ta nacewa manufar samun ci gaba cikin lumana, kasancewar ginshikin samun bunkasuwa shi ne samarwa al’ummun Sin kyakkyawar rayuwa, ba wai maye gurbin wani ba. Ya ce a bana ake cika shekaru 45 da fara aiwatar da manufar Sin ta gudanar da gyare-gyare a gida da bude kofa ga kasashen waje.
Bugu da kari, shugaba Xi ya ce “Za mu ci gaba da kokarin samun ci gaba mai nagarta da bude kofarmu.
Zamanantarwa ta Sin za ta iya taimakawa wajen zamanantar da duniya a wannan sabon zamanin da muke ciki”.
Daga nan sai ya yi kira da a hada karfi da karfe wajen ingiza hadin gwiwa tsakanin sassan yankin Asiya da Pasifik, domin cimma karin nasarori, da gina wasu shekarun nasarori bisa hadin gwiwar yankin cikin shekaru 30 masu zuwa. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
