Da misalin karfe 10:50 (Sha daya saura mintuna goma na safiyar) Lahadin nan, kasar Sin ta yi amfani da rokar Long March 2D, daga cibiyar harba taurarin dan adam ta Taiyuan, inda ta yi nasarar harba jimillar taurarin dan adam guda 4, da suka hada da Sixiang 01, 02 da 03, da kuma Galaxy Aerospace Lingxi 03, kuma dukkan taurarin dan adam din sun yi nasarar shiga falakin su, yayin da aikin harba su ya gudana bisa cikakkiyar nasara.
Za’a yi amfani da taurarin dan adam samfurin Sixiang 01, 02 da na 03 wajen samun bayanan hangen nesa, da kuma samar da hidimar hango nesa na kasuwanci. Yayin da ake amfani da tauraron dan adam sanfurin Galaxy Aerospace Lingxi 03, don tantance fasahar sadarwar taurarin dan adam.
Wannan ne karo na 479, da aka yi amfani da rokar dakon kaya ta Long March, wajen harba kumbuna sararin samaniya. (Mai fassara: Bilkisu Xin)
