Dakarun Rundunar Sojoji ta ‘Operation Whirl Stroke’ (OPWS) sun yi nasarar kashe wani da ake zargin dan bindiga ne a wani samame da suka kai da nufin samar da zaman lafiya a karamar hukumar Karim-Lamido ta jihar Taraba.
Wannan samamen ya biyo bayan kashe wasu mutane 57 a kauyen Munga da ke karamar hukumar Karim-Lamido.
- Raya Al’adu Wani Sirri Ne Na Ci Gaban Kasar Sin
- Tinubu Ya Nemi Amincewar Majalisa Kan Amso Bashin $21.5bn Da ₦757.9bn
Sojojin, a ranar Litinin 26 ga Mayu, 2025, sun kashe wani dan bindiga tare da kwato makamai da babura a yayin samamen.
Mataimakin daraktan hulda da jama’a na rundunar, Kyaftin Olubodunde Oni, a wata sanarwa da ya rabawa manema labarai, LEADERSHIP ta samu a ranar Talata, ya ce, a yayin wani sintiri na yaki da ‘yan ta’adda a kauyen Kwanchi, sojoji sun farmaki ‘yan ta’adda inda nan take suka fara musayar wuta.
Da yake jawabi kan nasarar da rundunar ta samu, Kwamandan Birget ta 6 ta rundunar sojin Nijeriya, Birgediya Janar Kingsley Chidiebere Uwa, ya yabawa sojojin bisa gaggawar matakin da suka dauka akan lokaci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
