Da safiya ce sojojin Kasar Somaliya (SNA) suka kashe mayakan al-Shabab 60 tare da raunata wasu da dama a wani farmakin hadin gwiwa da suka kai kusa da garin Halgan da ke tsakiyar kasar Somaliya, a cewar gwamnatin kasar.
Sanarwar da ma’aikatar yada labarai, al’adu da yawon bude ido ta kasar ta fitar a Mogadishu, babban birnin kasar ta bayyana cewa, an kai harin ne kan ‘yan ta’addan al-Shabab da kwamandojinsu da ke hada gangami domin kai hari a yankunan tsakiyar Kasar Somaliya.
- Yadda Kasar Sin Ke Ba Da Gudummawar Tinkarar Sauyin Yanayi A Duniya
- Tsaro: Yadda Sojoji Ke Rakiyar Matafiya Tsakanin Gusau Zuwa Dansadau
SNA da abokan hadin gwiwa na kasashen duniya sun kuma lalata sansanonin ‘yan ta’adda da makamai da dama a yankunan. Sojojin na ci gaba da bin sawun ‘yan ta’addan da suka tsere daga wurin, a cewar ma’aikatar.
Kungiyar ta al-Shabab dai ba ta ce komai ba game da sabon harin da sojojin suka kai.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
