Shugaban kasa, Bola Ahmed Tinubu, ya bukaci nan da mako biyu zuwa uku a samar da maslaha kan rikice-rikicen manoma da makiyaya a fadin kasar nan.
Shugaba Tinubu ya bukaci gwamnonin jihohi da su samar da filayen kiwo ga makiyaya a jihohinsu don warware matsalolin da suka addabi bangarorin biyu.
- Gobara Ta Hallaka Yara 2 A Sansanin ‘Yan Gudun Hijira A Borno
- Kasa Da Kasa Na Begen Ci Gaban Kasar Sin Mai Inganci Za Ta Kara Kawo Dama Ga Duniya
Tinubu ya bayyana hakan ne a Minna, babban birnin Jihar Neja, a yayin da yake kaddamar da shirin noman zamani domin samar da wadataccen abinci a Nijeriya.
Kazalika, ya bukaci gwamnoni da su hada karfi da karfe domin kawo karshen matsalar abinci.
Rikicin manoma da makiyaya ya dade a Nijeriya, lamarin da ya kai ga salwantar rayuka masu yawa da tarin dabobbi.
Har wa yau, matsalar ta wanj bangare na da alaka da samar da ‘yan fashin daji, wadanda suka rikide zuwa mahara masu satar mutane domin neman kudin fansa.
A gefe guda kuma matsalar ta zama silar hana manoma da dama yin noma a gonakinsu, lamarin da ke barazana da samar da abinci a kasar nan.
