Shugaba Bola Tinubu ya isa filin jirgin sama na Kotoka da ke birnin Accra na kasar Ghana a ranar Asabar.
Ya isa kasar ne don taron hadin gwiwar kungiyar Tarayyar Afirka (AU) karo na shida, wanda zai fara a ranar Lahadi.
- Sin Tana Kara Yin Kwaskwarima A Dukkan Fannoni Don Samar Da Sabuwar Dama Ga Duniya
- Tsoratar Da Mu Aka Yi Da Ƙara Kuɗin Fetur, Muka Amince Da Mafi Ƙarancin Albashi Na Dubu ₦70 – Ƴan Ƙwadago
Wata kungiyar jami’an Nijeriya da suka hada da ministan harkokin kasashen waje, Ambasada Yusuf Tuggar, da kuma Jakadan Nijeiriya a Ghana, Ambasada Dayo Adeoye, ne suka tarbi shugaba Tinubu.
A matsayinsa na shugaban kungiyar ECOWAS, shugaba Tinubu zai yi magana game da hadewar yankin a Afirka, inda zai mayar da hankali kan nasarori da kalubale a yammacin Afirka tun bayan taron karshe a birnin Nairobi na kasar Kenya, a watan Yulin 2023.
Zai kuma gabatar da rahoton “2024 a kan yanayin al’umma,” wanda ya shafi batutuwa kamar zaman lafiya, tsaro, mulki da ci gaban zamantakewa.
Taron zai mayar da hankali ne kan taken AU na 2024: “Ilimi da fasaha a Afirka na karni na 21.”
Leadership ta ruwaito shugaba Tinubu ya bar Abuja zuwa taron kungiyar AU da safiyar ranar Asabar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp