Wata tirelar kwasar shara ta take wasu dakarun sojoji guda biyu da suke kan babur l, inda ta kashe su har lahira a ranar Talata.
Ganau sun shai da wa LEADERSHIP cewa sojojin wadanda suke kan babur din da safiyar ranar Talata, suna kan hanyarsu ta zuwa wajen aiki a Kwalejin Horas Da Sojoji (NDA), da ke Kaduna kafin su gamu da ajalinsu a yankin Mando da ke jihar.
- Jami’an KAROTA Sun Damke Bakin Haure Dauke Da Muggan Makamai A Kano
- Rashin Tsaro: Haramta Acaba ‘Yan Nijeriya Miliyan 40 Za Su Rasa Aikin Yi – ACOMORAN
An yi kokarin garzaya wa da su zuwa asibitin sojoji na 44 kafin daga bisani likita ya tabbatar da rasuwarsu.
An ruwaito cewar, sojojin sun fadi ne a kan babur din lokacin da suka bugi wani rami kana babbar motar kuma ta markadesu.
Da aka tuntubi jami’in watsa labarai na Kwalejinn NDA, Manjo Bashir Jajira, ya ce bai da masaniyar faruwar hatsarin.
