Wasu Gungun Barayi Sun Afka Ofishin Premium Times Sun Kone Ofis Da Kayan Aiki Kurmus A Kano

Wasu gungun ‘yan daba da ake kyautata zaton barayi ne, sun afka Kamfanin jaridar Prime Times News sun yi awon gaba da Kayan aiki masu dimbin yawa.

Lamarin ya faru ne a Ofishin jaridar Dake Kano a ranar Alhamis din da ta gabata, inji jaridar Alkibla.

• Mahaifin Kakakin Majalisar Dokokin Kwara Ya Rasu

Rahotanni sun tabbatar da cewa mutanan sun balle kofofin Ofishin mai lamba D51 dake rukunin shagunan Al-hamsad Zoo road, inda suka sace kayan aiki da akalla kudin su ya haura miliyan guda.

Daga bisani kuma suka cinna wuta a wurin wanda yayi sanadiyyar asarar Sauran kayayyakin kafin akawo agaji.

An rahoto cewa, kamfanin na jaridar, mallakin Alhaji Ibrahim Garba Shu’aibu ne, take ya bayar da sanarwar dakatar da ayyukan Kamfanin na bangaran bidiyoyi zuwa wasu lokuta.