Wasu Sojojin Chadi Sun Shiga Hannu Kan Yunkurin Kitsa Juyin Mulki A Kasar

Sojoji da dama sun shiga hannu, ciki har da jami’an kabilar Zaghawa na shugaban kasar Chadi, Janar Mahamat Idris Deby a karshen mako kan zargin kitsa juyin mulki a kasar.

Rahotanni sun ce yanzu haka ana tsare da su zuwa lokacin da jami’an hukumar leken asirin kasar za su kammala bincike. Rahoton BBC Hausa. 

Babu wata sanarwa a hukumance daga mahukuntan kasar a kan zargin kitsa juyin mulki, amma bayanan hakan sun fito ne bayan da aka murkushe wasu ‘yan adawa a wata gwabzawa da aka yi tsakanin jami’an sojin da kuma ‘yan adawa a watan Oktoban da ya gabata.