Rundunar ‘yansanda a Jihar Delta ta bayar da umarnin gudanar da farautar wani mutum da ake zargi da laifin kashe ‘yarsa mai shekara shida da haihuwa.
Wanda ake zargin Mista Sankey Obemureye, ya kashe Abigail Stanley a Ubiama New Layout, Agbarho, da ke Karamar Hukumar Ughelli ta Arewa a Jihar Delta.
- Xi Ya Jaddada Muhimmancin Kare Muhalli A Wuraren Kewayen Rawayen Kogi
- Jami’in Binance Na Fuskantar Shari’a Bisa Adalci – Gwamnatin Tarayya
Da yake karbar korafi daga dan uwan wanda ake zargin da ya gudu, jami’in ‘yansandan shiyya (DPO) ya yi cikakken bayani kan jami’an da suka je wurin da lamarin ya faru suka dauko gawar karamar yarinya da aka doke ta wuri da yawa a kai.
Jami’in hulda da jama’a na rundunar ‘yansanda (PPRO), SP Edafe Bright, ya ce lamarin ya faru ne a karshen makon da ya gabata, inda aka gano gawar wanda a halin yanzu an ajiye ta a dakin ajiyar gawarwaki.
“Uban wanda shi ne babban wanda ake tuhuma a halin yanzu yana tsare.
“Kwamishanan ‘yansanda (CP), Olufemi Abaniwonda, ya nuna alhininsa bisa wannan aika-aika, ya kuma tabbatar wa da jama’a cewa za a kama wanda ake zargin, kuma hukunta shi.
“Ya bukaci duk wanda yake da wasu bayanai masu amfani da za su kai ga kama wanda ake zargi da su kai rahoto a ofishin ‘yansanda mafi kusa,” in ji PPRO.
