‘Yan Bindiga Sun Koma Neja Bayan Sulhu Da Gwamnatin Kaduna

Al’ummar ƙananan hukumomin Shiroro, Muya, da Rafi a Jihar Neja sun koka kan yadda ‘yan bindiga daga Birnin Gwari, a Jihar Kaduna, ke kutsawa yankunansu domin aikata ta’addanci tun bayan sulhun da aka yi tsakanin gwamnatin Kaduna da ‘yan bindigar.

Mazauna yankin sun bayyana cewa hare-haren sun ƙaru, ciki har da sacw mutane don neman kuɗin fansa.

• Abubuwan Dake Kunshe Cikin Rahoton Shekara-Shekara Game Da Cinikin Shige Da Fice Na Kasar Sin
• An Samu Adadin Shige Da Fice Miliyan 610 a Kasar Sin 

Alhaji Usman daga Shiroro ya ce a jiya kawai, ‘yan bindiga sun kutsa ƙauyen Afaka, inda suka sace mutane 20.

Malam Muhammadu daga Rafi ma ya ce lamarin ya tsananta, yana haifar da zaman zulumi a yankin.

Gwamnan Neja, Umar Muhammed Bago, ya bayyana cewa gwamnatinsa na ɗaukar matakan tsaro domin daƙile hare-haren kuma tana shirye ta yi sulhu da ‘yan bindigar domin tabbatar da zaman lafiya a jihar.

A baya dai yankin Shiroro ya fuskanci hare-hare daga mayaƙan Boko Haram, waɗanda suka kafa sansani a dajin yankin.