Wasu ‘yan bindiga sun yi garkuwa da wani mutum da matarsa da dansa da wasu mutane biyu a Bwari da ke babban birnin tarayya, Abuja (FCT).
LEADERSHIP ta tattaro cewa, an kai harin ne a unguwar Chikakore da ke Kubwa da misalin karfe 12 na safiyar ranar Litinin.
- Shugaba Xi Ya Yaba Da Ci Gaban Kasar Sin Duk Da Kalubalen Da Aka Fuskanta A Shekarar Dragon
- Tinubu Ya Isa Tanzania Don Halartar Taron Makon Makamashi Na Afrika
Majiyoyi sun ce, kimanin mahara 30 ne dauke da bindigogi kirar AK-47, suka kai hari gidan wani Mista Adefija Michael Akinropo, inda suka yi awon gaba da shi, da matarsa, da dansa, da kuma kanensa.
Bugu da kari, ‘yan bindigar sun afka makwabta kusa da wani gidan kiwon kaji, inda suka yi garkuwa da wani mutum tare da raunata matarsa a yayin harin.
Da aka tuntubi jami’ar hulda da jama’a ta rundunar ‘yansandan FCT, Josephine Adeh, ta bayyana cewa, za ta yi cikakken bayani bayan ta tattara bayanai kan lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
