Jami’an ‘yan sanda sun kubutar da mahaifiyar dan takarar Sanatan Jigawa ta Tsakiya, Hajiya Fatima Ibrahim, daga hannun wadanda suka sace ta a Kano.
Kakakin ‘yan sandan Jihar Jigawa, Lawan Shiisu Adamu ne, ya tabbatar da hakan ga manema labarai a garin Dutse.
- An Karrama Dan Sandan Da ya Mayar Da Dala 800 Da Ya Tsinta
- Kwankwaso Da Fayose Sun Ziyarci Wike A Fatakwal
Shiisu, ya cean ceto Hajiya Fatiman ne a rukunin gidaje na Danladi Nasidi da ke karamar hukumar Kumbotso a jihar Kano.
Sai dai bai yi karin haske kan ko an biya kudin fansa kamar yadda wadanda suka sace ta suka bukata ba ko kuma an yi musayar wuta kafin kubutar da ita.
A ranar Litinin ne wasu ‘yan bindiga suka yi awon ga da Hajiya Fatiman, a gidanta da ke unguwar Tsangayawa da ke garin Kiyawa a jihar Jigawa.
Hajiya Fatima Ibrahim, mahaifiya ce ga dan takarar Sanatan Jigawa ta Tsakiya a jam’iyyar APC, Alhaji Tijjani Ibrahim Gaya.
