Shahararren mawakin siyasar nan Dauda Kahutu Rarara ya bayyana cewar yana da yakinin cewar ko yanzu idan ya bukaci ‘yan Nijeriya su tara masa kudi domin ya wake shugaba Bola Ahmed Tinubu ya yi imani za su tara masa.
Yayin fira da jaridar Trust Nig Hausa ya bayyana cewar ‘yan Najeriya na matukar kaunar shugaba Bola Ahmed Tinubu don haka baya tsammanin su kasa hada masa kudin wake Tinubu idan ya bukaci hakan.
- Ba Mu Soke Lasisin ‘Yan Kannywood Domin Musguna Wa Wasu Ba – Al-Mustapha
- Tarihin Zaben Kano: Hannun Karba, Hannun Mayarwa
Ina mai tabbatar maku cewar duba da yadda al’ummar kasarnan ke matukar kaunar Tinubu idan na bukaci su tara mani kudi domin wake shi za su tara.
Rarara dai ya taba neman ‘yan Nijeriya su tara masa kudi domin ya wake tsohon shugaban kasa Muhammadu Buhari a shekarar 2021 wanda kuma a wancan lokacin Rarara ya yi ikirarin cewar ya samu makudan kudade ta sanadiyar tura masa kudi da masoyan tsohon shugaban kasar suka yi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
