‘Yansanda Sun Cafke Matar Da Take Yi Wa ‘Yan Bindiga Safarar Bindigu A Jihar Zamfara

Rundunar ‘yan sandan jihar Zamfara ta kama wata mata mai safarar makamai ga ‘yan bindiga tare da takwaranta namiji a hanyar Gusau-Wanke-Dansadau dake jihar.

Jami’in hulda da jama’a na rundunar ‘yan sandan jihar, Mohammed Shehu ne ya bayyana hakan a wata sanarwa da ya fitar a ranar Talata. Ya ce an kama wadanda ake zargin ne da harsashi 325 da kuma kwalbasar alburusai guda daya na bindigar AK-47.

• An Kammala Gwaji Na Uku Na Shagulgulan Bikin Bazara Na 2023 

Ya bayyana cewa kamen ya biyo bayan bayanan sirri da aka samu game da safarar makaman daga jihar Benue zuwa wani sansanin ‘yan bindiga da ba a bayyana ba a Zamfara.