Jami’an rundunar ‘yansandan Jihar Delta sun kama wasu da ake zargin ‘yan fashi da makami ne, sun kwato wata mota kirar Mercedes Benz GLK da aka sace, da muggan bindigogi da dama da wasu kayayyaki masu daraja.
Wanda ake zargin mai suna Chinedu Eze, an kama shi ne a lokacin da yake kokarin sayar da motar ga wani mai saye da ba a yi tsammani ba.
- Hukumar NABDA Ta Bukaci Musulmi Su Cire Fargabar Amfani Da Fasahar Alkinta Halittu
- Ya Kamata A Yi Wa Japan Jinyar Cutar “Mantuwar Tarihi”
An gudanar da ayyukan ne a tsakanin ranekun 4 zuwa 5 ga Agustan 2025, karkashin jagorancin jami’an ‘yansanda reshen, (DPO) na B Dibision Asaba da Ogwashi-Ukwu, da ke aiki da kungiyoyin ‘yan banga.
Da yake bayyana hakan, jami’in hulda da jama’a na rundunar ‘yansandan (PPRO), SP Bright Edafe, ya ce a ranar 5 ga Agusta, jami’an B Dibision Asaba, da ke aiki da sahihan bayanan sirri, sun kama wata mota kirar Mercedes Benz GLK (Lambar Rijista: NZM10AP) a wani wurin ajiye motoci da ke kan titin tsohon mataimakin Gwamna, Asaba.
“Wanda ake zargin mai suna Chinedu Eze, an kama shi ne a lokacin da yake kokarin siyar da motar ga wani mai saye da ba a yi tsammani ba.
Bincike ya nuna cewa ankkwace motar SUB da karfi ne a watan Afrilun 2023 a garin Abakpa da ke Jihar Enugu, inda wasu ‘yan fashi da makami suka harbe mai motar. An sake yi wa motar rajistar zamba a shekarar 2025.
“A wani lamari na daban a ranar 4 ga watan Agusta, da misalin karfe 4:30 na safe, ‘yansanda a Ogwashi-Ukwu sun amsa kira bayan da ‘yan fashi da makami da suka addabi mazauna kan titin Chelsea.
DPO, CSP Okoyomon Israel, ya yi gaggawar tattara rundunarsa mai yaki da laifuka da kuma ‘yan banga zuwa wurin.
“An kama wasu mutane biyu, Thywill Selbin mai shekara na Poly Road, Ogwashi-Ukwu, da Guntim Bako mai shekara 32 na Kwale Junction, bayan yunkurin tserewa da bai yi nasara ba.
“Bindiga guda daya tare da harsashi mai rai daya, bindigar Beretta guda daya mai jigida shida masu rai, harsashin bindiga uku masu rai, babura biyu da aka sace (Daylong, Reg No: SAP 369 BK; Ku link, Reg No: URM 750 KB), wayoyin hannu 25, kwamfyutoci hudu, kwamfutar hannu, kwamfutar hannu, PS4, jakunkuna guda biyar, kayan kida guda biyar, ,” ya bayyana.
Edafe ya ce da dama daga cikin wadanda abin ya shafa sun gano tare da kwato kayansu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
