Za Mu Kwashe Daukacin Maniyyatan Bana 6000 – Hukumar Alhazan Kano

Hukumar jin dadin alhazai ta Jihar Kano (KSPWB) ta sha alwashin kwashe daukacin maniyata aikin Hajjin bana guda 6,000, adadin da hukumar alhazai ta kasa ta bai wa Jihar Kano a wannan shekara.

Hukumar ta bayyana hakan ne ganin yadda bara aka bar wasu maniyata masu ya-wa da ba su iya sauke farali ba.

• Abubuwan Da Aka Haramta Wa Mahajjaci

Tsohon babban sakataran hukumar alhazai na Kano, Alhaji Muhammad Abba Danbatta ya bayana haka a ranar Laraba da ta gabata a lokacin wani taron bita ga mahajjata wanda aka yi a harabar sansanin alhazan.

Taron bitan ya kwashe tsawon ana yi wa maniyatan Jihar Kano a cibiyoyi da ke kananan hukumomi 44 na jihar, wanda aka kammala da nuna aikin hajji da yadda ake dawafi na kewaya dakin Ka’aba.

A karshe dai hukumar alhazan ta Jihar Kano ta bayyana cewa a ranar 3 ga wannan wata maniyatan Kano za su fara tashi zuwa kasa mai tsarki, domin sauke farali na wannan shekara.

Sai dai kuma a wani labarin na daban, saban gwamnan Jihar Kano, Injiniya Abba Kabir Yusuf (Abba Gida-gida) ya ba da sanarwa rushe shugabancin hukumar alhazai ta Jihar Kano tare da nada saban baban sakataran zartarwa na hukumar, Alhaji Laminu Baba Danbaffa da kuma Alhaji Lawan Yusuf a matsayin saban shugaban hukumar alhazan Jihar Kano.