Zaben APC: Akpabio Ya Janye Wa Tinubu

Tsohon Ministan kula da harkokin Niger Delta, Senator Godswill Akpabio, ya janye takarar neman tikitin Shugaban Kasa ga Bola Tinubu domin ya zama Shugaban Kasa a Nan gaba.

Ya sanar da hakan ne a lokacin da ke jawabi Kai tsaye a wajen taron APC da ke gudana a Abuja yanzu haka.

Tsohon ministan ya kuma bukaci magoya bayansa da daliget da su zabi Tinubu domin imanin da ya yi na cewa zai iya Kai Nijeriya tundun mun tsira.