Zaben Gwamna: Gawuna Ya Bukaci Jama'ar Kano Su Yi Turuwar Zabar Jam'iyyar APC A Kano

Dan takarar gwamna na jam’iyyar APC a jihar Kano, Nasiru Gawuna, ya bukaci magoya bayansa da su fito kwansu da kwarkwatarsu domin kada kuri’unsu ga jam’iyyar APC a zaben gwamnoni da na ‘yan majalisar jiha a ranar 18 ga watan Maris.

Gawuna, mataimakin gwamnan jihar, yana karawa ne da babban abokin hamayyarsa, Abba Kabir Yusuf, na jam’iyyar NNPP.

Ina Da Kwarewar Da Zan Jagoranci Jama’ar Kano – Gawuna

A wata sanarwa a ranar Lahadi a Kano ta bakin mai magana da yawunsa, Hassan Fagge, dan takarar ya ce, ta bin wannan hanyar ne kadai jam’iyyar za ta lashe dukkan mukaman siyasa a jihar.

LABARAI MASU NASABA

Ma’aikatan Manyan Makarantu Na Kaduna Sun Dakatar Da Yajin Aiki Yayin Da Gwamna Sani Ya Amince Da Sabon Tsarin Albashi

Da Ɗumi-ɗumi: Fashewar Tankar Man Fetur Ta Yi Ajalin Rayuka 30 A Neja

“Ina kira da babbar murya ga magoya bayanmu da su fito kwansu da kwarkwatarsu su kada kuri’a ga ‘yan takararmu a zaben gwamna da na ‘yan majalisar jiha a zabe mai zuwa.

“Muna yaba muku bisa jajircewa, kuma muna rokonku da ku fito a ranar Asabar 18 ga watan Maris ku zabi jam’iyyar APC.” Inji Gawuna.