Zamu Fi Jin Dadin Lashe Kofin Zakarun Turai Na Bana Fiye Da Na Bara – Guardiola

Kocin Manchester City, Pep Guardiola ya bayyana cewar, akwai bukatar kungiyarsa ta sake lashe kofin gasar zakarun Turai na  bana.

City ta samu nasarar lashe kofin ne a bara a karon farko a watan Yuni, inda ta doke Inter Milan da ci 1-0 a wasan karshe a Istanbul.

• Kofin Afirka: Me Ya Sa Ba A Gayyaci Alkalin Wasa Daga Nijeriya Ba?

City wadda ta lashe gasar Premier League ta bara, za ta kara da Red Star Belgrade a gasar cin kofin zakarun turai na bana a Etihad a ranar Talata.

“Don kungiyarmu ta lashe kofin zakarun Turai a bara ba wani abu ne mai ban mamaki, akwai kungiyoyi da dama da suka lashe kofin da dama”, in ji kocin City a wata tattaunawa da manema labarai a ranar Litinin.

Real Madrid ce ke kan gaba da kofin zakarun Turai 14, wanda AC Milan ke biye da ita da kofi 7. Liverpool da Bayern Munich suna da 6 kowanne.