Rundunar ‘Yansanda tare da haɗin guiwa da jami’an tsaron Cikin Gida na Jihar Katsina (KCWC) sun kama wani yaro mai shekaru 10 da ya ke bai wa ‘Yan Bindiga bayanan sirri a jihar.
Hakan na kunshe ne acikin wata sanarwa da jami’in hulda da jama’a na rundunar ‘yan sandan jihar, ASP Abubakar Sadiq Aliyu ya fitar, inda ya ce, an cafke wanda ake zargin ne a ranar 3 ga watan Yulin 2024, da yake zaune a unguwar Sheikh Abdullahi a ƙaramar hukumar Dandume.
- Shekara Ɗaya A Ofis: An Buɗe Gasar Cin Kofin Babban Hafsan Sojojin Nijeriya A Katsina
- Gwamnatin Katsina Za Ta Shirya Jarrabawa Ga Ma’aikata
Yayin da ya ke amsa tambayoyin jami’an tsaro, Yaron ya bayyana cewa, duk lokacin da ya yi nasarar bayar da rahoton sirri, ‘yan ta’addan na yi masa kyautar Naira 5,000.
Yaron ya kara da cewa, wani abokinsa ne mai suna Abba ya jefa shi cikin wannan yanayi.
A karshe, ASP Sadiq ya bayyana cewa, har yanzu rundunar na ci gaba da bincike kan lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
