Sakataren yada labarai na jam’iyyar NNPP na kasa, Dr. Agbo Major, ya ce akwai yiwuwar dan takarar shugaban kasa na jam’iyyar, Dakta Rabiu Kwankwaso, ya zama mataimakin dan takarar shugaban kasa na jam’iyyar Labour (LP), Peter Obi.
Bangarori biyun na Jam’iyyar sun ce ana ci gaba da tattaunawa kan yiwuwar hadewar ‘yan takarar gabanin zaben 2023. Inji rahoton jaridar pulse Nijeriya.
Hakan na zuwa ne kamar yadda ya ce tattaunawar da bangarorin biyu ke yi kan yiwuwar kawancen da ke gaban zaben 2023 na tafiya cikin nasara.
Major ya tabbatar da hakan ne a lokacin da ya zanta da Kamfanin jaridar Daily trust ta wayar tarho a ranar Lahadi, 19 ga watan Yuni, 2022.
Tsohon gwamnan Kano kuma jagoran kwankwasiyya ya ce hadakar na da muhimmanci domin jam’iyyar APC mai mulki da PDP ba su zabi mataimakan su na shugaban kasa daga yankin kudu maso gabas ba.
