An yanke wa wani dan Nijeriya mai shekara 33 Segun Ogundipe, hukuncin daurin shekaru biyar a gidan yari a kasar Burtaniya bisa samunsa da laifin yi wa wata mata fyade da lalata a Gloucester.
PUNCH Metro ta samu labarin, a cikin wani rahoto da Eye_opener220 ya wallafa a shafin Instagram ranar Juma’a, cewa Ogundipe, wanda ke zaune a Layin Tuffley, Gloucester, an same shi da laifin fyade, laifuka biyu na cin zarafi duk da ya musanta laifukan.
- Hukumar NABDA Ta Bukaci Musulmi Su Cire Fargabar Amfani Da Fasahar Alkinta Halittu
- Muhimman Batutuwan Da Za Mu Yi La’akari Da Su Kafin Amincewa Da Bukatun Kirkirar Sabbin Jihohi — Majalisar Dattawa
Hukuncin da aka yanke masa a kotun Gloucester Crown ya zo ne kwanaki kadan bayan da aka daure wani dan Nijeriya Elbis Nosakhare na tsawon shekaru shida a gidan yari bisa laifin yin lalata da ‘yar budurwarsa.
A cewar ‘yansandan Gloucestershire, a cikin wani rahoto a ranar 28 ga Yuli, laifukan sun faru ne a cikin 2022 bayan Ogundipe ya sadu da matar a wurin aikinta kuma ya gayyace ta don shan ruwa.
Da maraice, Ogundipe ya kara yin kalaman jima’i wanda ya bata mata rai. Daga baya ya wuce gidansa bisa zargin tara wani abu, inda budurwar bayan ta yi amfani da bandaki, aka yi lalata da ita tare da yi masa fyade.
Ko da ya tafi ta zuwa Cheltenham daga baya, rahoton ya kara da cewa ya ci gaba da taba ta duk da rokon da ta yi ta daina.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
