Abokai, a wannan mako “duniya a zanen MINA” yana bayani ne kan yadda wani manomi a yankin Xinjiang mai suna Halik Geym ya fita daga kangin talauci da samun karin arziki.
Wannan daya ne daga cikin manyan na’urorinsa na aikin noma masu inganci da yake amfani da su wajen shuka amfanin gona iri daban-daban. A shekarar 2021, kudin shigarsa ya kai kudin Sin Yuan miliyan 1.8 (kwatankwacin dalar Amurka dubu 260).
Amma yau wasu shekarun da suka gabata, ya sha fama da talauci, bai iya samun amfani gona da yawa ba, saboda garinsa na dab da hamada, ba sa samun ruwan sama sosai kuma yanayi ba shi da kyau.
Saboda irin wadannan matsalolin da al’ummar ke fuskanta, ya sa kasar Sin ta dauki matakin da ya dace don ba su taimako, Halik Geym ya sami rancen kudi, inda ya sayi injinsa na farko. Ban da haka kuma, a shekarar 2020, rukunin aiki a garinsa ya gayyato wani masanin kimiyya zuwa wurinsu, don koyar da manoma dake wurin fasahar shuka amfanin gona.
Amfanin gona da Halik Geym ya samu, ba ma kawai ya biya dukkan rancen kudi da ake binsa ba, har ma ya sayi karin injunan noma.
Managartan manufofin da Sin ta dauka, sun baiwa manoma damar koyon fasaha da kimiyya na zamani, abin da ya kyautata zaman rayuwarsu da samun karin arziki.
Halik Geym ya ce, zai kafa kungiyar hadin kai ta masu amfani da injunan aikin gona da kungiyar kula da harkokin ’ya’yan itatuwa da kansa, don yayata abubuwan da ya koya, ta yadda sauran manoma za su iya samun arziki tare. (Mai zane, kana marubuciya: MINA)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
