Dan wasan gaba na kungiyar kwallon kafa ta Barcelona, Ousmane Dembele, ya amince da komawa kungiyar Chelsea, bayan yaki amincewa da sabon tayin kwantiragin da kungiyar ta kasar Sipaniya tayi masa na ci gaba da zama a kungiyar.
Kwantiragin Dembele dai zai kare ne a karshen wannan watan sai dai yaki amincewa da ci gaba da zama a Barcelona sakamakon kin kara masa albashi da kungiyar tayi duk da kokarin da shugabannin kungiyar sukayi na ganin ya ci gaba da zama.
Kungiyoyin Paris Saint German da Juventus da Manchester United duka sun nemi Dembele ya amince da komawa kungiyoyin nasu sai dai kawo yanzu ana ganin zai koma Chelsea domin sake haduwa da kociyan na Chelsea,Thomas Tuchel, wanda ya koyar dashi a lokacin da suna kungiyar Borussia Dortmund tare.
Tun bayan komawarsa Barcelona shekaru shida da suka gabata, Dembele ya zura kwallaye 32 cikin wasanni 150 daya buga a Barcelona sai dai yasha fama da ciwo wanda ya dinga sakawa ba ya buga wasa a kungiyar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
