Wata gobara ta kama wani gidan man sayar da gas da ke gefen gadar Obirikwere ta hanyar Gabas ta Yamma a garin Fatakwal a Jihar Ribas.
Lamarin ya faru ne da misalin karfe 8 na safiyar ranar Laraba.
- Karancin Man Fetur: NSCDC Ta Gargadi Gidajen Mai Kan Boye Man Fetur
- Dan Shekara Hudu Ya Kubuta Daga Hannun ‘Yan Bindiga A Yobe
Jami’an hukumar kashe gobara ta tarayya, sun isa wurin da lamarin ya faru domin kashe gobarar.
Wani jami’in hukumar kashe gobarar ya ce gobarar ta tashi ne sakamakon “hujewar tankin motar gas” a gidan man.
Kawo yanzu ba a bayyana adadin wadanda suka mutu ba amma shaidun gani da ido sun ce akalla mutane uku ne gobarar ta shafa.
