Da Dumi-dumi: ‘Yan Bindiga Sun Kai Hari Tsakiyar Abuja

Da yammacin Talatar nan ne wasu ‘yan bindiga suka kai hari a wani gida da ke kusa da tsauni a Unguwar Wuse Zone-five da ke tsakiyar birnin Abuja.

A yayin harin dai, sun kashe mutum daya, kana wasu da dama sun bace, inda ‘yan bidigar suka tsere ta tsaunin da ke unguwar

• Gobe Litinin, Jirgin Kasan Kaduna Zuwa Abuja Zai Dawo Da Jigilar Fasinjoji

Wani ganau da ya zanta da wakilinmu, ya ce ‘yan bindigar sun rika yin harbin kan-mai-uwa-da-wabi a titin Amilomania kana daga bisani suka nausa zuwa titin Toyin.

Ya ce, “Mun ji karar harbe-harbe sau biyu a lokacin da suka fara kai farmaki wani gida a titin Amilonania. Yanzu suna kan titin Toyin, a gida na karshe kusa da tsaunin.

“Sun harbe wani tela, Oshodi, nan take ya mutu. Haka kuma sun harbe wani mutum, amma mun kai shi babban asibitin da ke phase 4, amma a sume.

‘Yan bindigar sun tsere ta kan tsaunin. Ba muga wasu mutanen mu ba, amma muna zaton sun tafi da su.”