Ma’aikatar kula da albarkatun ruwa ta kasar Sin ta ce kasar ta samu ingantuwa a banagren amfani da ruwa a shekarar 2024.
Sanarwar da ma’aikatar kan fitar kan albarkatun ruwa a duk shekara, ta ce a bara, ruwan da kasar ta yi amfani da shi da na kwatankwacin yuan 10,000 ko dala 1,391.5 na alkaluman GDP ya ragu da kaso 4.4 bisa dari. Haka kuma idan aka kwatanta da yuan 10,000 na darajar bangaren masana’antu, adadin ya ragu da kaso 5.3 bisa dari.
A cewar sanarwar, saukar ruwa da albarkatun ruwa sun wuce matsakaicin matakin na shekaru da dama. Matsakaicin adadin ruwan da ya zuba a kasar a shekarar 2024 shi ne milimita 717.7, wanda ya haura na shekarun baya da kaso 11.4 cikin dari. Jimilar albarkatun ruwa kuma ya tsaya kan kubik mita 3.11, karuwar kaso 12.7 cikin dari idan aka kwatanta da na matsakaicin na shekarun baya. (Fa’iza Mustapha)
