Jihohi bakwai da suke fadin kasar nan na kashe kaso 190 na kudaden haraji da suke samu wajen biyan basukan da ake binsu a zangon farko na shekarar 2025, lamarin da ke nuna tabarbarewar kasafin kudi da gwamnatocin jihohin ke fuskanta.
Bisa bayanan rahoton aiwata da kasafin 2025 na zango farko na 2025, jihohin su ne Bayelsa, Adamawa, Benue, Neja, Kogi, Taraba, da Bauchi, su ne bayanai ya nuna suna kan biyan basukan da ake binsu da kudaden shiga.
- Ribadu Ya Kara Jaddada Gargadinsa Kan Biyan Kudin Fansa Ga Masu Garkuwa Da Mutane
- Sallar Layya: Gwamnan Zamfara Ya Buƙaci Musulmin Su Tuna Da Muhimmancin Sadaukarwa Da Halin Ƙwarai
Jihohi bakwai wadanda suka kashe naira biliyan 98.71 wajen biyan basukan da ake binsu a zangon farko na 2025, inda aka samu karin naira biliyan 33.48 ko kaso 51 idan aka kwatanta da bashin da suka biya na naira biliyan 65.24 a irin wannan zangon da ya gabata a baya.
Bayanai sun nuna cewa kudin shiga na jihohin bakwai ya karu kadan daga naira biliyan 44.05 a zango na hudu na 2024 zuwa naira biliyan 51.92 a zangon farko na 2025, wanda hakan ya nuna an samu karin naira biliyan 7.87.
Kudaden da wadannan jihohin suka samu daga asusun hadaka na gwamnatin tarayya ya karu daga naira biliyan 360 a zango na hudu na 2024 zuwa naira biliyan 419.86 a zango na farko na 2025, lamarin da ke nuni da cewa an samu karin naira naira biliyan 59.11 a cikin watanni uku. Wannan na sake nuna irin dogara da kason gwamnatin tarayya daga wajen su jihohin duk kuwa da tulin basukan da suke makare a kansu.
A zangon farkon 2025, jihohi bakwai din dukkaninsu na neman naira biliyan 46.80 daga asusun gwamnatin tarayya domin cike gibin kudin shiga da biyan basukan da suke yi.
