Wasu ‘yan daba da yawansu ya kai mutum 200 da safiyar ranar Alhamis suka kai hari gidan shugaban kwamitin yakin zaben Dan takarar shugaban kasa na jam’iyyar PDP a jihar Ribas, Sanata Lee Maeba.
Maeba da wasu fitatattun jagororin jam’iyyar PDP da suka kasance magoya bayan Atiku Abubakar dan takarar shugaban kasa a zaben 2023.
LEADERSHIP ta labarto cewa duk da ‘yan daban basu samu damar kutsa kai cikin asalin gidan dan majalisar ba, amma babban dan uwansa da suka cimma masa sun jikkata shi.
Sannan kuma a kalla motoci guda hudu ciki har da Sport Utility Vehicle (SUV) ne ‘yan daban suka lalata a yayin harin da suka kai gidan dan gani kashenin Atikun.
