Dan takarar shugaban kasa na jam’iyyar APC, Asiwaju Bola Tinubu, ya shelanta cewa a shirye yake tsaf don a yi muhawara da shi tun daga safe har zuwa dare.
Asiwaju dai, ya sha suka a kan kin halartarsa zuwa dandalin muhawara da ‘yan takarar shugaban da gidan talabijin na ARISE ya shirya a makon da ya wuce, inda hakan ya haifar da ce-ce kuce a fagen siyasar kasar nan.
- Cinikayyar Waje Ta Hajojin Sin Ta Karu Da 8.6% Tsakanin Janairu Zuwa Nuwamba
- Miji Ya Hallaka Matarsa A Kan Ruwan Sha A Legas
Sai dai, wasu sun yi hasashen cewa, Asiwaju ba zai iya jure wa tsawon zangon da za a shafe ana muhawarar ba.
Har ila yau, jam’iyyar PDP ta sha sukarsa a kan kauracewa muhawarar, inda ya yi ikirarin cewa, kin halartarsa, ya nuna karara, bai da wata magana da zai iya gaya wa ‘yan Nijeriya.
Amma Asiwaju, a jawabin da ya yi wa wasu matasan Nijeriya da ke zaune a Landan, ya ce, maganar yin muhawara ba wani abu ba ne.
A cewar Asiwaju, “Na shirya tsaf don yin muhawara da ku, daga safe har zuwa dare”.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
