Kimanin ‘yan majalisar dokokin jihar Neja 20 ne daga cikin 25 suka sha kaye a yunkurinsu na komawa zauren majalisar bayan sun kasa samun tikitin komawa jam’iyyarsu ta APC.
Wakilinmu ya bayyana cewa daukacin ‘ya’yan jam’iyyar daga Neja ta Gabas da Neja ta Arewa sun kasa samun tikitin komawa majalisar.
An kuma lura cewa ‘yan mazabar Lapai, Bida 1, Bida 2 da Edati ne kawai suka samu damar sake samun tikitin takarar jam’iyyar daga Neja ta Kudu.
Jihar Neja, tana gaba-gaba wajen tabarbarewar tsaro inda ‘yan bindiga ke kai hare-hare ba kakkautawa kan al’ummar yankunan.
