‘Yan bindiga Sun Kai Hari Kauyuka 8 Da Kashe 33 Da Sace Mutum 30 Da Shanu 2,000 A Kebbi Da Neja,

Wasu ‘yan bindiga sun kai hari kauyuka takwas a jihohin Kebbi da Neja, inda suka kashe mutane 33, da yin garkuwa da mutane 30 tare da sace shanu 2,000.

A jihar Neja, ‘yan bindigar sun kashe wasu mutane a kauyuka uku tare da yin awon gaba da wasu 30 a Garin Gidigore da ke karamar hukumar Rafi a wasu kauyuka dake kan iyaka da jihar Kaduna.

• An Daure Maman Boko Haram A Gidan Yari Kan Zambar Naira Miliyan 71.4

LEADERSHIP ta ruwaito cewa Garin Gidigore yana da tazarar kilomita kadan daga Birnin-Gwari a jihar Kaduna inda ‘yan bindigar ke da sansanoni da dama a dazuzzukan.

An gano cewa ‘yan bindigar sun kai farmakin ne tun daga daren ranar Talata da misalin karfe 10:30 na dare zuwa safiyar Laraba, sun kuma kona gidaje da dama a kauyukan.

A harin da aka kai a Kebbi, wasu ‘yan bindiga sama da 200 a kan babura da sanyin safiyar Talata sun kai hari a wasu kauyuka bakwai a karamar hukumar Danko-wasagu ta jihar.

LEADERSHIP ya rahoto cewa an kashe Mutane har 30 tare da satar shanu sama da 2,000.

Wasuda dama sun samu raunuka a harin yayin da wasu suke jinya a asibitocin Wasagu da Ribah.

Sulaiman

+ postsBio

• Sulaiman

  Li Qiang Ya Halarci Bikin Bude Dandalin Tattalin Arzikin Duniya Na Davos Na Shekarar 2026
• Sulaiman

  Xi Ya Yi Kiran Daukar Matakan Zamanantar Da Aikin Gona Da Yankunan Karkara
• Sulaiman

  Ya Kamata Sin Da Birtaniya Su Yi Aiki Tare Don Ci Gaba Da Inganta Dangantakarsu
• Sulaiman

  Firaministan Sin Ya Jaddada Muhimmancin Kara Azamar Bunkasa Kirar Kayayyakin Aikin Masana’antu Na Zamani