Shugaba Muhammadu Buhari ya isa mahaifarsa Daura da ke Jihar Katsina don ci gaba da shirye-shiryen zaben shugaban kasa da na ‘yan majalisar tarayya da za a yi a ranar Asabar.
Gwamnan Jihar Aminu Bello Masari da darakta-janar na hukumar tsaron NIA, Ahmed Rufai Abubakar ne suka tarbe shi.
- APC Ta Yi Soki Sabon AIG Da Kwamishinonin ‘Yansanda 4 Kan Ziyartar Wike
- Sheikh Dahiru Bauchi Ya Mara Wa Takarar Atiku Abubakar Baya
Buhari zai kada kuri’arsa ne, tare da mai dakinsa Aisha Buhari da kuma sauran iyalansa a Daura.
A cikin sanarwar da mai magana da yawunsa Malam Garba Shehu, ya fitar ya ce, jirgi mai saukar angulu da ya dauko Buhari, ya isa a Daura.
Sanarwar ta kara da cewa, ganin irin mahimmancin da kowace kuri’a daya ke da shi, Buhari ya sa a yi wa iyalansa, ciki har da tawagarsa rijista don su kada kuri’insu a Daura.
Kafin Buhari ya tashi zuwa Daura, ya halarci gangamin yakin neman Bola Ahmed Tinubu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
