Jaridar LEADERSHIP Hausa ta rasa shugaban sashen fassara, Malam Sabo Ahmed Kafin-Maiyaki wanda ya rasu a ranar Alhamis 18 ga watan Mayu, 2023 yana da shekaru 54 a duniya bayan doguwar jinya.
A cewar sanarwar da iyalansa suka fitar, Malam Sabo ya rasu ya bar mata biyu da ‘ya’ya 10 da kuma dan uwa guda daya.
- Bai Kamata Gwamnatin Tinubu Ta Bi Sahun Ta Buhari Ba —Shugaban EYN
- Tattalin Arzikin Kasar Sin Yana Kan Tubali Mai Kwari
Sanarwar ta kuma bayyana cewa, za a yi jana’izarsa a ranar Juma’a, 19 ga watan Mayu, 2023 a Samaru, Zariya, a Jihar Kaduna.
Da yake karin haske, editan LEADERSHIP Hausa, Abdulrazaq Yahuza Jere, ya bayyana Malam Sabo a matsayin babban ginshikin sashen Hausa.
Sabo kuma shi ne mai kula da shafin laifin kotu da dan sanda na Leadership Hausa.
Jere ya kuma jajanta wa iyalan mamacin, inda ya bayyana alhininsa game da rasuwar ma’aikacin da suka yi aiki tukuru, cikin aminci.
Ya ce rasuwarsa babban rashi ne ga daukacin sashen na Hausa da kuma kamfanin jaridar Leadership baki daya.
Ya roki Allah Madaukakin Sarki da Ya gafarta masa kurakuransa, Ya kuma sada shi da Aljanatul Firdausi.
“Allah ya bai wa iyalansa juriyar wannan rashi da suka yi.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
