Rundunar ‘yansandan jihar Yobe ta cafke wani mutum da ‘ya’yansa biyu kan zarginsu da hada karfi da karfe wajen kashe wani mutum mai suna Goni Waje a kauyen Dako Kangarwa da ke karamar hukumar Yunusari a jihar.
Kakakin hukumar ‘yansandan jihar, DSP Dungus Abdulkarim, ya bayar da sunayen wadanda ake zargi da suka hada da Jalomi, Ciroma da kuma Bulama.
- ‘Yansanda Sun Kama Direban Mota Da A-47 Guda 4 A Kano
- Awanni 24 Kafin Rantsarwa, Shugaban Rikon Kwarya A Jihar Yobe Ya Rasu
A cewar sanarwar manema labarai da Kakakin ya fitar, ya ce, wadanda ake zargin sun aikata laifin ne a ranar 7 ga watan Yuni, ya ce, ana zargin marigayin da rashin jituwa da mutumi da yaransa bayan wani lamari da ya shiga tsakaninsa da matar Bulama, karamin Chif wanda kuma mahaifi ne ga Jalomi da Ciroma
Ya kara da cewa, shaidun gani da ido sun yi bayanin cewa Alhaji Jalomi da Ciroma sun sassarawa mamacin adda daga bisani suka banka masa wuta har ya mutu.
Yanzu haka wadanda ake zargin suna karkashin sashin binciken manyan laifuka kuma da zarar an kammala bincike za a gurfanar da su gaban kotu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
