Wasu rahotanni sun tabbatar da kashe kasurgumin dan fashin dajin nan da ya addabi Jama’a a yankunan Lere ta yamma da suka hada da Ramin Kura da Sigau da Doka da Mariri da Garu da Warsa duk cikin karamar hukumar Lere ta Jihar Kaduna.
Majiyar ta tabbatarwa wakilin LEADERSHIP faruwar lamarin a ranar Juma’ar data gabata, cewa an kashe kasurgumin mai garkuwar da mutane da ake kira Gwaska yayin wani farmaki da aka kai musu cikin daji.
Rahotannin sun kuma tabbatar da kashe Gwaska tare da wasu Fulani biyu yayin farmakin da ‘Yan sa kai da ake kira ‘Yan Bula suka kai musu a cikin dajin, an kuma binne shi jiya Asabar a garin Warsa Piti na yankin Garu da ke Karamar hukumar Lere.
Sai dai wata majiyar kuma ta ce an kashe Gwaskan ne ya yi wani fada da ya kaure tsakanin bangarori biyu na ‘Yan bindigar da basa jituwa da juna.
Dukda hoton da aka samu wanda yake tabbatar da kashe Gwaskan, har yanzu da muke hada rahoton bamu samu wani rahoto daga hukumomin tsaron da ke kula da yankin ba kan faruwar lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
