Rundunar ‘yan sandan jihar Zamfara ta tabbatar da kisan mutane shida tare da raunata wasu da dama a Kadamutsawa da ke cikin masarautar kwatarkwashi cikin Karamar hukumar Bungudo.
Kakakin rundunar, ASP Yazid Abubakar ne, ya bayyyana haka ga manema labarai a takardar da ya sa wa hannu a Gusau.
- Abbas Ya Sanar Da Manyan Shugabannin Majalisar Wakilai
- Akpabio Ya Nada Bamidele, Ndume, Umahi Da Asiru Manyan Mukamai A Majalisar Dattawa
A cewar a DPO na Kwatarkwashi ya jagoranci hadin gwiwar jami’an soji da ‘yan sanda zuwa kauyen don zakulo wadanda suka aikata laifin domin hukunta su.
Rundunar ta yi kira ga ‘yan uwan wadanda abin ya shafa da su ci gaba da yin hakuri tare da bai wa hukumomi damar gano masu laifin.
Kwamishinan ‘yan sanda, CP Muhammed Bunu ya tabbatar wa al’ummar jihar Zamfara cewa, tilas ne a daina kashe-kashen a jihar domin gwamnatin tarayya ta kuduri aniyar ganin an dawo da zaman lafiya a kowane bangare na kasar nan.
Rundunar ‘yan sandan ta gargadi kowa wajen ganin an shawo matsalar tsaro da kuma bai wa rundudar goyon baya wajen yaki da masu manyan laifuka da kanana da su ka addabi Jihar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
