Kotun Zaben Kano: Babu Alkali Ko Daya A Cikin Kotu, Ta Yanar Gizo Ake Yanke Hukunci 

Alkalan kotun sauraron kararrakin zaben gwamnan Kano sun ki halartar dakin gudanar da shari’ar da ake gudanarwa a kotun.

Kotun, za ta yanke hukunci ne a cikin karar da jam’iyyar APC ta shigar na kalubalantar nasarar Gwamna Abba Kabir Yusuf na jam’iyyar NNPP.

• Yawaitar Juyin Mulki A Afirka Na Nuna Matasa Suna Neman Masu ‘Yanci – Obasanjo

Bugu da kari kuma, An hana ‘yan jarida da lauyoyi da ‘yan jam’iyyar da sauran wakilai shiga kotun.

Daily trust ta rahoto yadda kotun ta ce, ba za ta gudanar da yanke hukuncin ba kai tsaye, kuma ‘yan jaridar da aka aminta su shiga cikin kotun, ba a yarda su yi amfani da wayoyin hannu ba ko na’urar daukar hoto.