Hizba Ta Gana Da Kungiyar Masu Bege, Ta Bukaci Su Tsabtace Harshe

Hukumar Hizba ta Jihar Kano a karkashin jagorancin Sheikh Aminu Ibrahim Daurawa tare da hadin gwuiwar hukumar tace fina finai da dab’i ta Jihar Kano.

Sun shirya wata tattaunawa tare da kungiyar masu yanon Manzon Allah (SAW), da ke Kano inda suka bukaci masu yabo da su tsaftace harshe yayin yabon Manzon Allah (SAW).

• Kamfanonin Nijeriya Sun Kara Wa Ma’aikatansu Albashin Naira Tiriliyan 4.6  Cikin Wata 6 -NBS
• Kamfanonin Siminti Ke Haifar Da Kashi 7 Na Dumamar Yanayi A Duniya – Dangote

Aminu Ibrahim Daurawa yayin da yake jawabi, ya yaba wa kungiyar sha’iran inda ya bayyana cewar mafi yawancin mutane masu waka, suna yi ne domin su samu kudi kokuma neman suna, amma su kuma suka zabi su yi amfani da fasaharsu wajen yabon Annabin Allah.

Daga karshe ya shawarce su da su dage wajen tsaftace harshe yayin da suke yabon Manzon Allah, saboda guje wa fadin wani abu da zai janyo rarrabuwar kawuna a tsakanin musulmai mabiya akidu daban-daban a fadin Nijeriya.