Rundunar ‘yan sanda a Jihar Jigawa ta cafke wasu ‘yan sane su shida a karamar hukumar Hadeja.
DSP Lawan Shiisu, kakakin rundunar, shi ne ya bayyana hakan ga Kamfanin Dillancin Labarai na Kasa (NAN) jiya Asabar a birnin Dutse.
- Yadda Wani Tsoho Ya Auri Jikarsa Yaki Kuma Yarda Ya Sake Ta A Jihar Zamfara
- Mashawarcin Gwamna Tambuwal, Gidado Ya Fice Daga Jam’iyyar PDP Zuwa APC
Shiisu ya ce wadanda ake zargin ‘yan shekara 18 zuwa 25 ne da haihuwa, inda ya kara da cewa an damke su ne bayan sun yi wa wani Ibrahim Garba satar N13,000 da wayar salula a kauyen Baturiya.
Ya ce wadanda ake zargi, mazauna garin Hadejia, sun sacewa Garba kudi da wayar ne a kasuwar kauyen Baturiya.
Shiisu ya ce za a gurfanar da su a gaban kotu da zarar an kammala bincike da samun bayanan da ake nema a wajensu.
