A yau Alhamis, kasar Sin ta harba kumbon Shenzhou-18 mai dauke da ‘yan sama jannati 3 zuwa tashar sararin samaniya ta Tiangong, domin gudanar da aiki na tsawon watanni 6.
An harba kumbon ne ta hanyar amfani da rokar Long March-2F, daga cibiyar harba tauraron dan Adam ta Jiuquan dake arewa maso yammacin kasar Sin.
- Yawan Kayayyakin Da Sin Ta Samar Ya Wuce Misali Ko Damuwar Amurka Ta Wuce Kima?
- An Kaddamar Da Bikin Nune-nunen Shirye-shiryen Bidiyo Da Sinima Na Kasar Sin A Kasar Serbia
A cewar hukumar kula da ayyukan kumbo mai dauke da ‘yan sama jannati ta kasar Sin (CMSA), ‘yan sama jannatin kumbon Shenzhou-18 sun hada da Ye Guangfu da Li Cong da Li Guangsu, karkashin jagorancin Ye Guangfu.
Wannan shi ne karo na biyu da Ye Guangfu ya tafi sararin samaniya, inda a baya ya kasance daya daga cikin ‘yan sama jannatin kumbon Shenzhou-13, daga watan Oktoban shekarar 2021 zuwa watan Afrilun shekarar 2022, yayin da wannan ne karo na farko ga Li Cong da Li Guangsu. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
