Sabbin alkaluma daga kungiyar masu samar da motoci ta kasar Sin sun nuna cewa, a rubu’in farko na bana, bangaren ya samu ci gaba mai inganci, inda darajar hajojin da bangaren ya samar ta karu da kashi 9.7% bisa na makamancin lokacin a bara, wanda kuma ya wuce kashi 3% na dukkan harkokin samar da hajoji.
Haka kuma, yawan kudin shiga da bangaren ya samu ya zarce dala biliyan 316, wanda ya karu da kashi 6.2% bisa na makamancin lokacin a bara.
Har ila yau, alkaluman na nuna cewa, yawan ribar da kamfanonin bangaren suka samu ya karu da kashi 32% bisa na makamancin lokaci a bara, adadin da ya kai fiye da dalar Amurka biliyan 14. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
