A ranar Lahadi kocin ƙungiyar ƙwallon ƙafa ta Liverpool Jurgen Klopp ya jagoranci wasansa na ƙarshe a matsayin kocin ƙungiyar bayan shafe shekaru 9 a Anfield.
Klopp wanda tsohon kocin Borrusia Dortmund ne ya lashe kofuna 8 a Liverpool da suka haɗa da; Gasar Zakarun Turai da Firimiya da UEFA Super Cup a shekarun da ya kwashe a ƙungiyar.
![jurgen klopp Mai horas da ƙungiyar ƙwallon ƙafa ta Liverpool Jurgen Klopp](https://hausa.leadership.ng/wp-content/uploads/2024/05/IMG-20240520-WA0017-300x213.jpg)
A wasansa na ƙarshe a ranar Lahadi Liverpool ta doke ƙungiyar Wolverhampton Wanderers da ci 2-0 a filin wasa na Anfield.
Talla
Bayan an tashi daga wasan magoya bayan Liverpool sun yiwa kocin nasu bankwana mai ƙayatarwa yayinda ya tabbatar da cewar ba zai taba mantawa da ƙungiyar a rayuwarsa ba.
Talla