Rundunar ƴansandan jihar Kaduna ta sanar da cewa jami’anta sun kashe wasu da ake zargin ƴn bindiga ne tare da kwato bindigogi AK-47 guda biyu a ranar Asabar.
Ƴan bindigar sun kashe wani mai suna Isiyaka Mika’ilu, mai shekara 60 a garin Kuriga, a lokacin da yake gonarsa. Tawagar ƴan sandan tafi-da-gidanka da mafarautan yankin sun yi artabu da ƴan bindigar, inda suka kashe biyu daga cikinsu da ake zargi tare da ƙwato makamai da harsasai.
- ‘Yansanda Sun Karyata Jita-jitar Kai Harin Garkuwa Da Mutane A Jami’ar BUK
- Ana Zargin Wani Hadimin ‘Yar Majalisa Da Yi Wa Almajiri Fyade A Kaduna
Wani likita a PHC Kuriga ya tabbatar da mutuwar Mika’ilu, inda daga bisani aka miƙa shi ga ƴan uwansa domin yi masa jana’iza.
Rundunar ƴan sandan dai na ci gaba da kasancewa cikin shirin ko ta kwana domin hana sake afkuwar lamarin, kuma kwamishinan ƴan sandan jihar, Ali Dabigi ya buƙaci jama’a da su kai rahoton duk wani abu da ake zargi ko ba su yarda da shi ba ga jami’ai mafi kusa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
