A yau Juma’a ne kakakin ma’aikatar tsaron kasar Sin Zhang Xiaogang ya bayyana cewa, rundunar sojin Sin da na Rasha sun fara atisayen hadin gwiwa a ruwa da sararin samaniya kusa da birnin Zhanjiang dake kudancin kasar Sin a farkon watan Yulin nan.
Kakakin a taron manema labarai ya bayyana cewa, “Atisayen hadin gwiwa na teku na 2024” ana gudanar da shi ne bisa tsarin ayyukan soja na shekara-shekara na kasar Sin da Rasha da yarjejeniyoyin kasashen biyu, kuma za a gudanar da shi har zuwa tsakiyar watan Yuli.
- Kungiyar Tsaro Ta NATO Ba Za Ta Iya Dora Alhakin Rikicin Ukraine Kan Kasar Sin Ba
- Za A Samar Da Asibitin Da Zai Yi Amfani Da Hausa Zalla -Sarkin Hausawan Afrika
Ana gudanar da atisayen ne da nufin nuna kuduri da karfin sojojin wajen magance barazanar tsaron teku tare da kiyaye zaman lafiya da kwanciyar hankali a duniya da yankin, a cewarsa.
Sai kuma a cewar rahoto daga kafafen yada labarai, hotunan tauraron dan Adam na kasuwanci sun nuna cewa a baya-bayan nan babban jirgin ruwa mai saukar jiragen sama na kasar Sin mai suna Shandong ya bayyana a ruwan teku dake kusa da kasar Philippines, da yake mayar da martani, mai magana da yawun ma’aikatar Zhang Xiaogang, ya ce Shandong ya je ruwan tekun ne don gudanar da horon yakin teku mai nisa, wanda kuma tsari ne na yau da kullum na shekara-shekara, kuma ya dace da dokokin kasa da kasa. (Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
