Adadin Fasinjojin Da Suka Yi Tafiye-Tafiye A Jiragen Kasa A Sin Ya Yi Matukar Karuwa

Yawan fasinjoji a kasar Sin da suka yi tafiye-tafiye a jiragen kasa ya kai miliyan 21.45 a ranar Talata, wato ranar farko ta hutun mako guda na bikin zagayowar ranar kafa kasa.

Wannan shi ne adadi mafi yawa a tarihi na tafiye-tafiyen fasinja na yau da kullum na jiragen kasa, a cewar kamfanin layin dogo na kasar Sin a ranar Laraba, ya kuma yi hasashen adadin zai ragu zuwa miliyan 18.2 a ranar Laraba.

• Kasar Sin Ta Samu Karbuwa A Afirka Ta Hanyar Samar Da Abubuwa Masu Amfani
• Wakilin Sin Ya Bukaci A Kyautata Tsarin Duniya Da Gyara Rashin Adalci Da Aka Yi Wa Afirka

Ana sa ran tsarin layin dogon zai yi jigilar fasinja miliyan 175 a yayin zirga-zirgar lokacin hutu na kwanaki 10 daga ranar 29 ga watan Satumba zuwa 8 ga Oktoba. Masu yawon bude ido, da masu haduwa da iyali da dalibai suke haifar da karuwar zirga-zirgar.

Jimillar layin dogo da ke aiki a kasar Sin ya zarce kilomita 160,000 a watan Satumban shekarar 2024, inda aka kaddamar da wani sashe da ya hada birane biyu a lardin Guangdong na kudancin kasar Sin. (Mai fassara: Yahaya)