Ruhin Yuan Longping Ya Ba Da Tabbaci Ga Samar Da Isashen Hatsi a Nahiyar Afirka

Wannan ne takardar kudi mafi daraja a kasar Madagascar, inda aka zana shinkafar da aka tagwaita da Sin ta kirkiro.

Noman shinkafa shi ne aiki mafi muhimmanci a Madagascar, amma yawan shinkafar da kasar ke samarwa ba ya biyan bukatunta, duba da karancin fasahar zamani a wannan bangare, shi ya sa a baya ta kan shigar da dimbin shinkafa daga ketare a kowace shekara. Tabbatar da samun isashen hatsin, shi ne burin daukacin al’ummar kasar.

• An Kaddamar Da Babban Filin Wasan Da Kasar Sin Ta Gina Wa Kasar Chadi Kyauta
• An Kaddamar Da Babban Filin Wasan Da Kasar Sin Ta Gina Wa Kasar Chadi Kyauta

An yi wa mai nazarin kimiyya da fasaha na kasar Sin Yuan Longping lakabi da “Mahaifin shinkafar da aka tagwaita irinta a duniya”. Yuan Longping yana da muradu 2, daya shi ne nazari da samar da shinkafar da aka tagwaita irinta mafi armashi, dayan kuma shi ne samarwa duk fadin duniya irin wannan shinkafa. A shekarar 2006, karkashin jagorancinsa, tawagar Yuan Longping ta ziyarci Madagascar, ta kuma tagwaita irin shinkafar da ya dace da yanayin kasar, kuma sakamakon wannan nazarin da aka yi, yawan shinkafar da wannan nau’in iri ya samar ya ninka sau 3 bisa na nau’in iri da a kan samu a kasar a lokacin baya.

Yanzu, yawan shinkafar da Madagascar ke shukawa da samarwa, ya kasance kan gaba a nahiyar Afirka. Kuma ita ce kasa ta farko a nahiyar da ta kafa cikakken tsarin samar da shinkafar da aka tagwaita. Ba samar da isashen shinkafa ga manoma kadai aka yi ba, matakin ya taka rawar gani wajen tabbatar da burin samar da isashen hatsi a kasar.

A shekarar 2021, Yuan Longping ya riga mu gidan gaskiya. Tsohon babban sakataren ma’aikatar aikin gona ta kasar Madagascar Rakotoson Philibert ya ziyarci kabarin Yuan Longping dake lardin Hunan na Sin, tare da ajiye shinkafar da aka samar a kasarsa a gaban kabarin, don bayyana godiyar al’ummar Madagascar.

A halin yanzu, a gonaki masu samar da shinkafar da aka tagwaita a Madagascar, ana farin cikin girbar shinkafa mai armashi. Masanan aikin gona na kasar Sin sun bi sahun Yuan Longping don tabbatar da burinsa na hadin gwiwa da manoman kasar wajen samar da isashen hatsi. (Mai zane da rubutu: MINA)